Wan, ka waluwo wuone, gi yie achiel, puonjo ji hulo Wuowi achiel, Ruodhwa Yesu Kristo achielno ma ni kare chutho kuom keche kendo e bedo dhano; Nyasaye adier kendo dhano adier, man kod chuny gi ringruok kaka owinjore; ma onego bedie gi Nyasaye kaluwore gi keche, kendo monego bed kodwa e yor bedo dhano; e gik moko duto, ochal kodwa; ma onge richo; monyuol kod Nyasaye kapok ndalo obetie kaluwore gi keche, kendo e ndalo ma bang’e, ne wan kendo nikech warruok-wa, nonyuol gi bikra Maria, min Nyasaye, e yor bedo dhano; Kristo achielno, Wuowi, Ruoth monyuol kende, ma onego ng’e e kido ariyo, ma onge gwenyruok, lokruok, pogruok kata barruok; pogruok e kido kik e yo manade ket tenge e bedo achiel to moro ka moro oriti, maluwore gi ng’at achiel, kok opogi kata obar obed ji ariyo, to mana Wuowi achiel, monyuol, Nyasaye ma en Wach, Ruoth Yesu Kristo; kaka jonabi koa chakruok (nohulo)kuome, kendo Ruoth Yesu Kristo owuon osepuonjowa, kendo yie ma wuone maler oseweyonwa.
