Nĩnjĩtĩkĩtie Ngai ũmwe Ithe witũ Mwene-Hinya-Wothe, Mũũmbi wa igũrũ na thĩ Na wa indo ciothe iria cionekanaga na iria itonekanaga:
Na ngetĩkia Mwathani ũmwe Jesũ Kristo, Mũrũ wa Ngai ũria waciarirwo nĩwe wa mũmwe. Waciarirwo ni Ithe mbere ya mĩndĩ na mĩndĩ, Ngai uumĩte Ngai, Ũtheri uumĩte Ũtheri, Ngai wa ma uumĩte Ngai wa ma, ũria waciarirwo na ti kũũmbwo ombiruo, ningĩ mũthemba wake na wa Ithe nĩ mũthemba ũmwe kũna, nacio indo ciothe ciombirũo nĩwe: Ũria waikũrũkire akiuma igũrũ nĩ ũndũ witũ andũ a thĩ, ni getha tũhonokio: Akĩgĩa na mwĩrĩ, agĩciarwo ni mũirĩtu wetagwo Mariamu ni ũndũ wa hinya wa Roho Mũtheru. Agĩtuĩka mũndũ. Na ningĩ akĩambwo mũtĩ igũrũ nĩ ũndũ witũ, hĩndĩ ya Pontio Pilato. Akĩnyariruo, agĩthikwo, mũthenya wa gatatũ akĩriũka o ta ũria kwandĩkĩtwo Maandĩko-inĩ. Akĩhaica Igũrũ, na rĩu aikaire guoko-inĩ kwa ũrĩo gwa Ithe witũ. Nake nĩagacoka e na ũnene acirithie arĩa me muoyo o na arĩa makuĩte:
Naguo ũthamaki wake ndũgathira.
Na ningĩ nĩnjĩtĩkĩtie Roho Mũtheru, Mwathani witũ na Mũheani muoyo, Uumĩte kũrĩ Ithe witũ na kũrĩ Mũriũ, Na ũrĩa hamwe na Ithe witũ na Mũriũ ũturagĩrio ndu na akagoocwo. Na ũrĩa waragia na tũnua twa anabii. Na ngetĩkia Kanitha ũmwe Mũtheru ũrĩa wĩ Mũgathoriko, na nĩ ũmwe na ũrĩa wa Atũmwo. Na ngetĩkia atĩ nĩkũrĩ ũbatithio o ũmwe wa kweheria mehia. Ningĩ nĩnjetereire Kũriũka kwa akuũ, na muoyo ũria wa hĩndĩ ĩrĩa ĩgoka. Amen.
