Ha’u fiar Maromak mesak ida deit.
Aman bele halo hot-hotu, halo ona lalehan ho rai, no buat hotu ema hare no mos la hare.
Ha’u fiar Na’i ida deit, Jesus Kristu, Maromak Oan Mane mesak, moris nanis hosi Aman molok tempu hahu,
Maromak hosi Maromak, Naroman hosi Naroman, Maromak los hosi Maromak lolos,
Aman hahoris, la halo Nia,
ida deit ho Aman.
Hodi Nia, buat hotu mosu.
Tan ita ema, atu soi ita, Nia tun mai hosi lalehan.
Hodi Espiritu Santu, Nia moris hahu An hosi Maria Virjem, halo An ba mane.
Tan ita, ema hedi Nia ba krus, iha Poncio Pilatos nia ukun,
Nia terus to’o mate, ema hakoi Nia.
Liu loron tolu Nia moris hias tuir Eskritura.
Sa’e ba lalehan, hatodan An iha Aman nia kuana.
Nia sei fila ho kbiit wain atu halo justisa ba ema moris no ema mate.
Nia ukun sei rohan laek.
Ha’u fiar Espiritu Santu,
Na’i be haraik moris, mai hosi Aman no Oan,
ema hana’i hahi hamutuk ho Aman no Oan,
Nia mak liu tun hosi profeta sira.
Ha’u fiar Kreda ida mesak, Santa, Katolika, Apostolika.
Ha’u fiar baptismu ida deit atu kasu sala.
Ha’u hein katak mate sira sei moris hias,
moris foun sei mosu mai.
Amen
