Ang Amahan mipahamtang sa Iyang kapungot tungod sa, ug ang Anak mipailalom sa silong alang niadtong:
-
Tanang kasal-anan sa tanang katawhan
-
Tanang kasal-anan sa ubang tawo, o
-
Pipila sa mga sala sa tanang tawo.
Nga kon maohon, makaingon ta:
-
Nga kung tinuod pa ang katapusang pamahayag, ang tanang tawo manubag ra sa pipila ka mga sala, ug tungod niana walay naluwas.
-
Ug kon ang ikaduhang pamahayag tinuod, nan si Kristo, nag-antos sa tanang mga kasal-anan alang sa tanang pinili sa tibuok kalibotan, ug mao kini ang kamatuoran.
-
Apan kung ang unang pamahayag maoy tinuod, nganong dili man gawasnon ang tanang katawhan gikan sa silot nga angay sa ilang mga kasal-anan?
Ang imo kintahay tubag mao nga, “tungod sa ilang pagka-dili matinuohon.” Mangutanan ko, kini ban ga ilang pagka-dili matinuohon usa ka sala, o dili? Kon tiuond man ugaling, nan si Kristo nag-antos sa silot tungod niini, o wala. Kung Siya nag-antos tungod sa sala sa pagka-dili matinuohon, nganon makapapugong man kini kanila labaw pa sa uban nilang mga kasala-anan nga Iyang gipakamatyan? Kung wala Niya gipakamatyan ang sala sa pagka-dili matinuohon, nana wala Siya nagpakamatay sa tanan nilang mga kasal-anan!
– Dr. John Owen (1616 – 1683), Vice Chancellor of Oxford University (Bise Kansilyer sa Kinatumhaan sa Oxford)
“Apan Siya nasamdan alang sa atong mga kalapasan, Siya nabun-og alang sa atong pagkadautan: ang pagkastigo sa atong kalinaw diha Kaniya; ug sa Iyang mga labod kita natambalan … Iyang makita ang kasakit sa Iyang kinabuhi, ug Siya pagatagbawon: uban sa Iyang kahibalo pakamatarongon sa Akong matarong nga Sulogoon ang kadaghanan; kay Iyang pas-anon ang ilang mga pagkadautan” (Isaias 53:5, 11).
“Ako mao ang maayong Magbalantay: ang maayong magbalantay mohatag sa Iyang kinabuhi alang sa mga karnero … Akong gihalad ang Akong kinabuhi alang sa mga karnero … Apan dili ‘mo motuo, kay dili man kamo akong mga karnero” (Juan 10:11, 15, 26).
“Nagaampo ako alang kanila: wala ako nagaampo alang sa kalibotan, apan alang kanila nga Imong gihatag kanako; kay sila Akoa man” (Juan 17:9).
“Dugang pa kadtong Iyang gitakda, Iya usab gitawag: ug kadtong Iyang gitawag, Iya usab gipakamatarong: ug kadtong Iyang gipakamatarong, Iya usab gihimaya … Siya nga wala gihikaw ang Iyang kaugalingong Anak, inay Iyang gitugyan Siya alang kanatong tanan, kita pa kaha ang dili Niya hatagan sa tanang mga butang? Kinsay mopasakag bisan unsang sumbong batok sa pinili sa Diyos? Ang Diyos maoy mopakamatarung. Kinsa man ang mohukom? Kini Siya mao si Kristo nga namatay, oo, Siya nga nabanhaw, Siya nga anaa gani sa tuong kamot sa Diyos, nga sa samang higayon nagapangaliya alang kanato” (Roma 8:30, 32–34).
“Sumala sa nahisulat, Akong gihigugma si Jakob, apan si Esau Akong gikasilagan” (Roma 9:13).
“Mga bana, higugmaa ang inyong mga asawa, ingon nga si Kristo gihigugma usab ang iglesya, ug gihatag ang Iyang kaugalingon alang kaniya” (Efeso 5:25).
