N nwuak a̱cucuk da̱ A̱gwaza A̱tyia̱ wu a̱ maai nyia̱ a̱mgba̱m kyang a̱ni, A̱tyumat tswazwa ma̱ng swanta,
a̱wot mi̱ Yesu Ki̱risi̱ti, Nggwon nang gu byia̱ a̱ni ma̱nyin nka, A̱tyoli nzi̱t,
a̱nyan wa A̱za̱za̱rak Ntswa wu ku tyia̱ a̱wot Ma̱ryamu a̱ nwai lyen a̱tyok a̱ni si̱ byin,
a̱nyan wa swuoa̱bung á̱ ku kpang da̱ a̱team a̱khwu, mbwak Bilatut Babunte, a̱ si̱ khwu, a̱wot á̱ si̱ niat nggu,
a̱ si̱ byiek a̱ nat ma̱ a̱ta̱cya̱, a̱ si̱ bu shyip a̱ si̱ doot ma̱ á̱niet ba̱ ka̱n kwi a̱ni mi̱ mam tat hu,
a̱ si̱ nyeak a̱ nat tswazwa a̱ si̱ swan bwak a̱zayak A̱gwaza A̱tyia̱ wu a̱ maai nyia̱ a̱mgba̱m kyang,
a̱nyan wa bu na bwuok a̱ bai a̱ fak a̱lyiat tazwa mba ba̱ shyia̱ di̱ swuan ma̱ng mba ba̱ ka̱n kwi a̱ni.
N nwuak a̱cucuk da̱ A̱za̱za̱rak Ntswa wu,
a̱za̱za̱rak Sot Á̱nietkhwi katolika wu, mun swat mba á̱ ku tyia̱ za̱za̱rak a̱ni,
kwi á̱ka̱tuk nyiá̱,
shyip a̱ doot vam hu neet ma̱ á̱niet ba̱ ka̱n kwi a̱ni,
ma̱ng swuan sang sangba̱p. Yok ku swan a̱nia.
