Quicunque vole esser salvate, ante omne altere cosa, il es necesse que ille imbracia [se tene al] le fide catholic [universal]. Si ille non lo serva integre e inviolate, sin dubita ille perira in eterno. Le fide catholic es isto: que nos venera [adora] un unic Deo in le Trinitate e le le Trinitate in le unitate, sin confunder le Personas e sin separar le substantia [de illes]. Uno es de facto de Persona del Patre, un altere illo de Filio, e un altere illo del Spirito Sancte. Sed Patre, Filio e Spito Sancte es un sol divinitate, con equal gloria e co-eterne majestate. Qual le Patre, tal le Filio e tal le Spirito Sancte. Increate le Patre, increate le Filio, increate le Spirito Sancte. Immense le Patr, immense le Filio, immense le Spirito Sancte. E tamen il non ha tres eternes, ma solmente un eterno. Sicut alsi il non ha tres increates, ni tres immense, sed un increate e un immenso. Similemente, omnipotente es le Patre, omnipotente le Filio e omnipotente es le Spirito Sancte. E tamen il non ha tres omnipotentes, ma un sol omnipotente. Le Patre es Deo, le Filio es Deo, le Spirito Sancte es Deo. E tamen il non ha tres deos, ma un sol Deo. Senior es le Patre, Senior es le Filio e Senior es le Spirito Sancte. E tamen, il non ha tres Seniores, ma un sol es le Senior.
Quia sicut le veritate christian obliga nos confessar que cata un persona es singularmente Deo e Senior, assi le religion catholic prohibi nos de parlar de tres Deos o Seniores. Le Patre non esseva facite per alicuno: ni create, ni generate. Le Filio es solmente ab le Patre: non facite, ni create, ma generate. Le Spirito Sancte es ab le Patre e ab le Filio: non facite, ni create, ni generate, ma procedente [ab illes]. Il ha ergo un sol Patre, non tres Patres; un sol Filio, non tres Filios; un sol Spirito Sancte, non tres Spiritos Sancte. E in ille Trinitate il ha nihil que es antea o postea, nihil que es major o minor, ma tote le tres personas es le un pro le altere co-eterne e co-equal. Ita in toto, como dicite antea, es a venerar le unitate in le Trinitate e le Trinitate in le unitate. Qui vole, ergo, esser salvate, debe pensar del Trinitate in tal maniera.
Sed pro le eterne salvation il es necessari creder fidelmente alsi in le Incarnation del Senior nostre Jesus Christo. Il es, ergo, recte fide ut nos crede e confessa que le Senior nostre Jesus Christo, Filio de Deo, es equalmente sia Deo sia homine. Ille es Deo quia ille es generate ex le substantia del Patre desde le eternitate; ille es homine, quia ille nasceva ex le substantia de su matre in le tempore. Perfecte Deo, perfecte homine, subsistente ex un anima rational e carne human. Equal al Patre secundo le divinitate, inferior al Patre secundo le humanitate. Totevia, quanqual ille es sia Deo sia homine, ille non es duplice ma un sol Christo. Solmente un, non per conversion del divinitate in carne, ma per assumption del humanitate in Deo. Totalmente un, non per confusion de substantias, ma per le unitate del persona. Nam sicut le anima rational e le carne es un sol homine, assi Deo e homine es un sol Christo. Qui pativa pro nostre salvation, descendeva al inferos; le tertie die ille resurgeva del mortos. Ille ascendeva al celo, ille sede al dextera de Deo, Patre omnipotente, e ille retornara pro judicar le viventes e le mortos. A cuje advento tote le humanos debera resurger con lor proprie corpores; e illes debera render ration de lor proprie actiones. Qui habera facite lo que es bon vadera al vita eterne; qui, al contrario, habera facite lo que es mal, vadera al igne eterne. Isto es le fide catholic, e non potera esser salve nisi qui lo imbraciara fidelmente e firmemente.
