Inau tu taluutunia God na Mama pukunimana, te gonia na parako ma na pari.
Maia Jesus Christ, na Dalena sakai vamua, Lord igita; te nia liu na Taruna te Tabu; te vahua na puku ni Samu Mary; me kabu vateiaroviana ruruguna Pontius Pilatu; tara patokia ta na Gaivavala; me mate; mara bekua; ge horu betidalo; me toluni na boni te tuguru oli sania tara mate; ge dato i kokou; me te sopou taeni ta na pala madolona God na Mama na puku ni mana; ke horu mai gua tananiha, na deteadira tara vola ma tara mate tua.
Nau tu taluutunia na Taruna te Tabu; na Holohoru te tabu ta na lei komu soko; na didira vaukolu te Tabu; na Togipalu; na Huli ke tuguruoli; ma na Maurihali. Amen.
