Brian Crossett
Usa ka Baptist ang matinguhaong nakigsulti kanako mahitungod sa panulun-an sa bunyag agig tuslob. Kumbinsido sa bug-os sa dili-malutsang lakbang nga iyang ipakita ug iyang giisip nga ako tinuod nga Kristohanon, mipadayon siya ug latid sa iyang hilisgotan.
“Ang imo bang basa sa bunyag sa eyunuko nga taga-Etiopia ni Felipe pagbubo o pagpisik? Maoy iyang pangutana.
Ako siyang gitubag, “Mao ba kini ang panig-ingnan sa pamaagi diin magbunyag kamo sa inyong simbahan?” Iyang gipasabot nga, kung kuhaon ang mga walay kalabotan nga detalye, sama sa dapit ug sa katinuoran nga walay nakasaksi, maingon nga ing-ana gayud.
Nangutana ko kung dili ba katingad-an nga ang iyang pastor mabunyagan sa matag higayon nga mobunyag siya ug lain? Daw nalibog, iya kong giingnan nga ang iyang pastor dili man mabunyagan sa matag-higayon nga naa siyay bunayagan; ang hamtong lang nga Kristohanon ang pagabunyagan dugang pa niya. Kon diin akong gitubag, “Apan dili ba ang pagtuslob tumbas sa bunyag.” “Oo,” maoy iyang pag-uyon, “apan dili matuslob ang pastor sa kada bunyag, ang kato rang gibunyagan ang matuslob.”
Busa akong gipangutana, “Nganong nilusong man si Felipe sa tubig kuyog sa eyunuko kung dili man diay kinahanglanon?” Inubanan sa pagpanagana, miingon siya nga wala mituslob sa tubig si Felipe, ang eyunuko lang.
Akong gikutlo ang Mga Buhat 8:38 “… milusong silang duha sa tubig, si Felipe ug ang eyunuko; ug iyang gibunyagan siya.”
Matikdi ang sayop sa panahom nga ang paglusong sa tubig gihubad nga pagtuslob sanglit naglakip kini sa tagurhaay nga pagtuslob. Ang husto nga hubad mao nga ang bunyag nahitabo dili kabahin sa paglusong inay nahitabo gilayon human sila miubog sa tubig. Gipakita kini pinaagi sa panugtongon nga “ug:” “… silang duha milusong sa tubig, silang Felipe ug ang eyunuko; ug iyang gibunyagan siya.”
