Nau ku manata mamana ana a te God, a Maa, ada tofunana mamana, Nia haunainia halo ma ano fuu, Ma si doo gi sui ta rikia na, ma si doo gi sui lau go tasi rikia na:
Ma lau ana a te Lord a Jesus Christ, tefe Wela, muuteia a God, Nia futa ana Maa nia ma na molaagali gi sui dasi hafali ua, a God ita mai ana a God, si Rarala ita mai ana si Rarala, a God mamana ita mai ana a God mamana, Nia e futa mai, dasi haunainia, Tesi manatala ani daro a Maa nia, Na haunailana si doo gi sui ani nia: Nia sifo mai ita ma i halo usigia imola gi, ma uria na faamourilaga, Nia ruufinia ana mariko isulia a Manoedo Aabu ana ni Mary Geni Harii, Ma nia alu wane, Ma gera fotoia usigia ifafona ai rarafolo i nunufana a Pontius Pilate. Nia mae na ma gera alua, Sui oula fe dani nia tatae ilinia gera kedea na, Ma nia raa i halo ma ka too i bali aolo ana a Maa. Ma nia ka oli lau mai fainia si rarala uria na tokitalana too da mouri fainia too da mae: Si taloa nia lani si sui.
Ma nau ku manata mamana ana a Manoedo Aabu, nia a Lord ma a Faamouri, Nia ka ita mai ana a Maa ma ana a Wela, Gera ka fooafuana sui fainia a Maa ma a Wela, Nia bae na ana ote prophet gi.
Ma nau ku manata mamana ana te Soefaataia aabu gera Fafurono gi ana fera gi sui. Nau ku aala faafia te Siuabulaa uria na lukeinilana na doo taala gi. Ma nau ku maasia na Mataelana too da mae, Ma na mouria ana fera nia ua mai. Amen.
