Ginda u roñosuri God tugwale, Tata guruvagi u muramura, u tau a guana ti a vavana, mena sosoa tari dau saḡwe mena sosoa tari dau gwatea saḡwe tea.
Ginda u roñosuri Nagonago tugwale, Jesus Christ, Nati God tugwale gwaga. Nat Tamana tomua dan na ureure dolu. God guma dan God, Ran guma dan Ran God guruvagi guma dan God guruvagi, Nati God, gwatea sosoa tautau tea, ira mei Tamana malmalera i tugwale, mo tau na sosoa tari minia. Ia u suria dan guana sur ginda na tatu ato na vañwaso ginda, u ligogia mena Gui Gogona gina vavine matagwono i Mary, ia u gumag tatu. Sur ginda bilegi ira u gwosagia la gaiñwale la taro i Pontius Pilate, ia u roñwawale, ira gi taua lal gwaru. Mena gwoñi i tolu ia ti tulu bilegi gwenia lia ira mo reve tau ba. Ia ti mule ḡalo a guana, ti tagwera mena matuai Tata. Ia ni van suma bilegi mena sarsar ato na tañwaira u ñwaso meira lia u mate ba; nona maranda gwatea ñwao lav tea. Ginda u roñosuri na Gui Gogona, i Nagonago, ti Vagañwaso, u rogwolua guma dan Tata ti Natugi; ginda u aḡosia gi ware roroa tugwale mei Tata ti Natugi, ia u veve minira na tatu vevelua.
Ginda u roñosuri na Warelua tugwale u gogona nora na tatu sorsora vatasa vanua. Ginda u veve lua na garus gogona tugwale beigi dondoson na bugugi. Ginda u taga sundare na tulu bilegiana nora u mate ba, mena ñwasoana la ureure na vei guma. Amen.
