Inau au tutunina God kesa mu, na Mama Puku na mana, e vusa noho ihotu mi vavana, mi hira na ome kode ihita a rei, mi hira na ome kode ihita a tau rei.
Maia a Lord kesa mu a Jesus Christ, Dalena God vasu pesehe; Dalena Tamana na nidana tana na maramana kode; God mai tana God; Marara mai tana Marara; Puku na God mai tana Puku na God; Dalena God, e tau a mea e vusa; Kura Tamana na zajaha kesa mu, e vusa noho hira na ome kode hini Aia; Maia e hini sivo mai ihotu na ronoda kita na tinoni kode; ti e bamaurisi kita.
E hini kau Aia hini na Taruna e Tabu, ikonina na Bakadaki Siama Mary, Maia e Tinoni, mara jaurahini Aia ipolina na Haiulusavu hoto mateda ihita ivavana Pontius Pilate. Aia e mate noho, mara beku Aia. Mi tana na tolunina na boni Aia e hini tuvisu tuhu koaza e mare noho, Maia e ba dato ihotu, me totu tana na madoana na Mama. Maia ke mai koto hini na totora, ti ke pede hira ara mauri mu mi hira ara mate noho: ke tau tanomana, na kodeana na totuna.
Minau au tutunina na Taruna e Tabu, a Lord ma na Bamaurisi, e julusivo mai tani na Mama ma na Dale, ihita a hini kukuni Aia, a soa dato Aia kesa mu, ma na Mama ma na Dale, Aia e hoko noho hini hira na Prophet.
Inau au tutunina na Soasivo kesa mu adira na Mane Susubu tana hira na vera kode lalaka. Inau au jarivulahi na Lesovitabu kesa mu matena na nusijoniana na kibo. Inau au totu pitu na ba tuvisu tuhu hira na mate, ma na maurisali tana na maramana ke mai. Amen.
