EKACH DEVAK SOTMAN’TAM.
sorvpodvedar Bap To,
sorga ani prithumecho,
disteam ani nam-disteam sorv vostuncho Rochnnar.
Ani eka Somiak, Jezu Kristak, sotman’tam:
Devacho ekloch Put To:
sorv kallam adim Bapa thaun zolmola:
Deva thaun Dev, Uzvadda thaun Uzvadd,
khorea Deva thaun upzol’lo khoro Dev:
To Deva thaun zolmola, Taka rochunk nam:
Bapacheach soimbacho,
Tachê vorvim sorv vostu keleat.
Amam mon’xam pasot ani amchê soddvonnê pasot
sorgar thaun To denvlo.
(Fuddleam utrank ‘To monis Zalo’ porian, sogllim bagvonchim.)
Ani Povitr Atmea vorvim, Ankvar Mariechê udorim,
Tannem kudd ghetli ani To monis zalo.
Ani amchê pasot Pons Pilata khal Taka khursar marlo,
Tannem koxtt-moronn sôslem ani Taka nikhipilo.
Ani Povitr Pustoka pormannem
tisrea disa To punorjivont zalo;
sorgar choddlo ani Bapachea uzveak bosla;
jiveanchi ani mel’leanchi mon’subi korunk
voibhovan To portun ietolo
ani Tachê razvoddkek xevôtt ascho nam.
Ani Povitr Atmeak sotman’tam:
Isvor ani Jiv-Datar To;
Bapa ani Puta thaun nipzola;
Bapa ani Puta borabor
Taka-i somsarko nomoskar ani mhoima favo;
provadeam vorvim To uloilo.
Ekech Povitr, Katolik,
ani Dhormdutam vorvim sthaplolê Sobhek sotman’tam.
Patkanchea bogsonnea khatir
ek Povitr-Snan asa mhonn man’tam.
Ani mel’leanchea punorjivontponnak
ani sasnnachea jivitak visvasun ravtam. Amen
